ಅವರು ಹೀಗೆ ಮಾಡಬಾರದಾಗಿತ್ತು

'ಛೆ!  ಅವರು ಹೀಗೆ ಮಾಡಬಾರದಾಗಿತ್ತು" ಎಂದು ಕೆಲವೊಂದು ಸಲ ನಾವು ಹೇಳುತ್ತಿರುತ್ತಿವೆ. ಯಾರೋ ಹಾಗೆ ಮಾಡಿದ್ದರೆ ನಾವು ಚಿಂತೆ ಮಾಡುತ್ತಿರಲಿಲ್ಲ. ಆದರೆ ನಮ್ಮ ಬಂಧು, ಸ್ನೇಹಿತರು, ಹತ್ತಿರದವರು ನಾವು ಅಂದುಕೊಳ್ಳದ ರೀತಿಯಲ್ಲಿ ವರ್ತಿಸಿರುತ್ತಾರೆ. ಅದು ನಮಗೆ ಬೇಸರ ಮೂಡಿಸಿ ಈ ಮಾತು ನಮ್ಮಿಂದ ಹೊರಬಿದ್ದಿರುತ್ತದೆ.

ಅವರು ಏಕೆ ಹಾಗೆ ಮಾಡಿದರು ಅನ್ನುವುದಕ್ಕೆ ಹಲವಾರು ಕಾರಣಗಳಿರಬಹುದು. ಆಕಸ್ಮಿಕವೋ, ಗೊತ್ತಿಲ್ಲದೆಯೋ, ಪರಿಸ್ಥಿತಿಯ ಒತ್ತಡದಿಂದಲೋ ಅಥವಾ ಗೊತ್ತಿದ್ದೂ ನಿಮಗೆ ನೋವುಂಟು ಮಾಡಲು ಎಂದೇ ಅವರು ಹಾಗೆ ಮಾಡಿರಬಹುದು. ನೀವು ಅವರನ್ನೇ ಕೇಳಿ ನೋಡಿ, ಆಗ ಪ್ರಾಮಾಣಿಕ, ಸಮಂಜಸ ಎನ್ನುವ ಉತ್ತರ ಬರದಿದ್ದರೆ ಅದು ನೀವು ಜಾಗೃತ ಆಗುವ ಸಮಯ. ನಿಮ್ಮನ್ನು ಬಲಿಪಶು ಮಾಡಲೆಂದೇ ಅಥವಾ ನಿಮ್ಮನ್ನು ದುರುಪಯೋಗ ಮಾಡಿಕೊಳ್ಳಲೆಂದೇ ಅವರು ಹಾಗೆ ವರ್ತಿಸಿದ್ದರೆ,  ನಿಮಗೆ ನೀವು ಬೇರೆ ಪ್ರಶ್ನೆಗಳನ್ನು ಕೇಳಿಕೊಳ್ಳಲೇಬೇಕು ಎನ್ನುವ ಸಮಯ.

ಅವರು ಹೇಗೆ ವರ್ತಿಸಬೇಕಿತ್ತು ಎನ್ನುವದಕ್ಕಿಂತ, ಆಗ ನೀವು ಏನು ಮಾಡಬಹುದಾಗಿತ್ತು ಎನ್ನುವ ವಿಚಾರವೇ ಹೆಚ್ಚು ಉಪಯೋಗಕರ. ಅವರಿಗೆ ತಮಗೆ ಹೇಗೆ ಬೇಕು ಹಾಗೆ ವರ್ತಿಸಿದರು. ಅಲ್ಲಿ ನೀವು ಮಾಡುವುದು ಏನು ಇಲ್ಲ. ಆದರೆ ಅದು ಪುನರಾವರ್ತನೆ ಆಗುವುದಿಲ್ಲ ಎಂದು ಏನು ಗ್ಯಾರಂಟಿ? ಹಾಗಾಗಿ, ಅವರ ಆ ರೀತಿಯ ವರ್ತನೆಗೆ ಮೂಲ ಕಾರಣ ಹುಡುಕುವುದಕ್ಕಿಂತ, ನೀವು ಬೇರೆಯ ಕೆಲಸಕ್ಕೆ ತೊಡಗಬೇಕು. ಆ ಪರಿಸ್ಥಿತಿಯಲ್ಲಿ ನಿಮಗಿರುವ ಆಯ್ಕೆಗಳು ಏನು? ನಿಮ್ಮ ಯಾವ ಪ್ರತಿಕ್ರಿಯೆ ನಿಮ್ಮನ್ನು ಬಲಿಪಶು ಆಗದಂತೆ ತಡೆಯುತ್ತದೆ ಎಂದು ವಿಚಾರ ಮಾಡಿ ನೋಡಿ. ನಿಮಗೆ ಅವರಿಂದಾಗುವ ಹಾನಿಯನ್ನು ಹೇಗೆ ಕಡಿಮೆ ಮಾಡಬಹುದು ಎನ್ನುವ ಕಡೆಗೆ ಲಕ್ಷ್ಯ ಹರಿಸಿ. ನೀವು ನೀಡುವ ಪ್ರತಿಕ್ರಿಯೆ ನೀವು ಮೂಕ ಪ್ರೇಕ್ಷಕರಾಗುವುದನ್ನು ತಪ್ಪಿಸಿ, ಪರಿಸ್ಥಿತಿ ಮತ್ತೆ ನಿಮ್ಮ ಹತೋಟಿಗೆ ಸಿಗುವ ಪ್ರಕ್ರಿಯೆ ಆಗಿರಬೇಕು.

ಪ್ರತಿಯೊಂದು ಸಲ ನೀವು ಗೆದ್ದೇ ಬಿಡುವಿರಿ ಎಂದೇನಿಲ್ಲ. ಆದರೆ ನೀವೀಗ ಮೂಕ ಪ್ರೇಕ್ಷಕರಲ್ಲ, ನೀವೂ ಒಬ್ಬ ಆಟಗಾರರು. ಆಟದಲ್ಲಿನ ಪ್ರತಿಯೊಬ್ಬರ ಮೇಲಿನ ನಿಮ್ಮ ನಿಗಾ, ಅವರ ನಡೆಯನ್ನು ಮೊದಲೇ ಊಹಿಸುವಂತೆ ಮಾಡುತ್ತದೆ. ಅವರ ಪಟ್ಟುಗಳ ಅಂದಾಜು ನಿಮಗೆ ಸಿಗತೊಡಗುತ್ತದೆ. ಅವರು ಹಿಂದೆ ನಿಮಗೆ ಉಂಟು ಮಾಡಿದ್ದ ಆಶ್ಚರ್ಯ ನಡೆಗೆ ಈಗ ಅವಕಾಶವೇ ಇಲ್ಲ. ನಿಮ್ಮನ್ನು ಸುಲಭದಲ್ಲಿ ಸಿಕ್ಕಿಸಿ, ನಿಮಗೆ ನೋವುಂಟು ಮಾಡುವ ಅವರ ಉದ್ದೇಶಗಳಿಗೆ ನೀವು ನೀಡುವ ಪ್ರತಿರೋಧ ನಿಮ್ಮನ್ನು ರಕ್ಷಿಸುತ್ತದೆ. ಈ ವಿದ್ಯೆ ನಿಮಗೆ ಕೈಗತವಾದಾಗ, ನೀವು ಇತರೆ ಬಲಿಪಶುಗಳಿಗೆ ಪರಿಸ್ಥಿತಿಯ ತಿಳುವಳಿಕೆ ನೀಡಿ ಎಚ್ಚರ ಮಾಡಿದರೆ ಆಗ ನೀವೇ ಒಬ್ಬ ಹೀರೋ. ನೀವು ನಿಸ್ಸಹಾಯಕರಲ್ಲ ಎನ್ನುವ ಸಂದೇಶ ಸ್ಪಷ್ಟವಾಗಿ ತಲುಪಿದರೆ ಸಾಕು. ನಿಮ್ಮ ಹಿತ ಶತ್ರುಗಳ ಆಟ ಕಳೆಗುಂದುತ್ತದೆ. 

ನೆನಪಿಡಿ, ಅವರು ಏನು ಮಾಡಿದರು ಎನ್ನುವುದು ಮುಖ್ಯವಲ್ಲ, ನೀವು ಹೇಗೆ ಪ್ರತಿಕ್ರಿಯೆ ನೀಡಿದಿರಿ ಎನ್ನುವುದೇ ಮುಖ್ಯ. ಇನ್ನೊಮ್ಮೆ ಯಾವಾಗಾದರೂ "ಅವರು ಹೀಗೆ ಮಾಡಬಾರದಾಗಿತ್ತು" ಅನ್ನಿಸಿದರೆ, ಅದರಿಂದ ನೀವು ಕಲಿತದ್ದು ಏನು ಎಂದು ತೀರ್ಮಾನಿಸಿ ಮತ್ತು ಇನ್ನೊಮ್ಮೆ ಹಾಗೆ ಆಗುವ ಅವಕಾಶ ನೀಡಬೇಡಿ.

ಅಜರಾಮರ ಹೈಡ್ರಾ; ಪಾರ್ಕಿನ್ಸನ್ ವಾಸನೆ

'Invisibilia' ಎನ್ನುವ podcast ನಲ್ಲಿ ಕೇಳಿದ ಎರಡು ಅಧ್ಯಾಯಗಳು ( 'An Unlikely Superpower' on Parkinson Disease and 'The Reluctant Immortalist' on Hydra) ವಿಜ್ಞಾನದ ಹೊಸ ವಿಷಯಗಳನ್ನು ತಿಳಿಸಿಕೊಟ್ಟವು. ಅವುಗಳ ಸಂಕ್ಷಿಪ್ತ ಸಾರಾಂಶ ಇಲ್ಲಿದೆ.

ಪತ್ನಿ ಮೂಸಿ ನೋಡಿ ಕಂಡು ಹಿಡಿದ ರೋಗ:

ಸ್ಕಾಟ್ಲೆಂಡ್ ನಲ್ಲಿ ಒಂದು ಸುಂದರ ಕುಟುಂಬ, 'ಜಾಯ್' ಮತ್ತು ಅವಳ ಪತಿ 'ಲೆಸ್'. ಅವರಿಬ್ಬರೂ ಕಾಲೇಜು ಓದುತ್ತಿರುವಾಗ ಪ್ರೇಮಿಸಿ ಮದುವೆಯಾಗಿದ್ದು. 'ಲೆಸ್' ಡಾಕ್ಟರ್ ಆದರೆ, 'ಜಾಯ್' ಆಗಿದ್ದು ನರ್ಸ್. ಆ ದಂಪತಿಗೆ ಮೂರು ಜನ ಮಕ್ಕಳು.

ಒಂದು ದಿನ ಮನೆಗೆ ಸೇವೆಯಿಂದ ವಾಪಸ್ಸಾದ ಪತಿ ಲೆಸ್ ನ ಮೈಯಿಂದ ಒಂದು ತರಹದ ವಾಸನೆ ಬರುವುದು ಪತ್ನಿ ಜಾಯ್ ಗಮನಿಸಿದಳು. ಆಸ್ಪತ್ರೆಯ ಯಾವುದೊ ವಾಸನೆ ಮೆಟ್ಟಿಕೊಂಡಿರಬಹುದೆಂದು ಪತಿಯನ್ನು ಸ್ನಾನದ ಮನೆಗೆ ದೂಡಿದಳು. ಆದರೂ ಅದು ಕಡಿಮೆಯಾಗಲಿಲ್ಲ. ದಿನ ಕಳೆದಂತೆ  ವಾಸನೆಯ ಘಾಟು ಹೆಚ್ಚುತ್ತಾ ಹೋಯಿತು ಹಾಗೆಯೇ ಲೆಸ್ ನ ವರ್ತನೆಯಲ್ಲೂ ಬದಲಾವಣೆಗಳು ಕಾಣಲಾರಂಭಿಸಿದವು. ಒಂದು ದಿನ ರಾತ್ರಿ ಲೆಸ್ ಸಹನೆ ಕಳೆದುಕೊಂಡು ವಿಚಿತ್ರವಾಗಿ ವರ್ತಿಸಿದಾಗ ಆಸ್ಪತ್ರೆಗೆ ತಪಾಸಣೆಗೆ ಹೋದರು. ಅಲ್ಲಿ ಲೆಸ್ ಗೆ ಪಾರ್ಕಿನ್ಸನ್ ಕಾಯಿಲೆ (ಮೆದುಳು ಮತ್ತು ನರಮಂಡಲಕ್ಕೆ ಸಂಬಂಧಿಸಿದ ರೋಗ) ಇರುವುದು ಗೊತ್ತಾಯಿತು. ಅಲ್ಲಿ ಕುಳಿತಿದ್ದ ಹಲವಾರು ರೋಗಿಗಳ ಮೈಯಿಂದ ಅದೇ ತರಹದ ವಾಸನೆ ಬರುವುದನ್ನು ಜಾಯ್ ಗಮನಿಸಿದಳು. ಮೊದಲಿಗೆ ವೈದ್ಯರು, ವಿಜ್ಞಾನಿಗಳು ಇದನ್ನು ನಿರಾಕರಿಸಿದರೂ, ಜಾಯ್ ನ್ನು ಒಂದು ಪರೀಕ್ಷೆಗೆ ಒಳಪಡಿಸಿದರು. ಈಗಾಗಲೇ ಪಾರ್ಕಿನ್ಸನ್ ಕಾಯಿಲೆ ಇರುವ ಮತ್ತು ಇರದಿರುವ ಸುಮಾರು ೨೫ ಜನರನ್ನು ಒಟ್ಟುಗೂಡಿಸಿ, ಜಾಯ್ ಅವರ ವಾಸನೆಯಿಂದ ಗ್ರಹಿಸಿ ಯಾರಿಗೆ ಕಾಯಿಲೆ ಇದೆ ಮತ್ತು ಯಾರಿಗೆ ಇಲ್ಲ ಎಂದು ನಿಖರವಾಗಿ ಗುರುತಿಸುವುದು ಈ ಪರೀಕ್ಷೆಯ ಉದ್ದೇಶ. ಒಬ್ಬರ ಹೊರತಾಗಿ ಉಳಿದೆಲ್ಲ ಜನರನ್ನು ನಿಖರವಾಗಿ ಗುರುತಿಸಿದಳು ಜಾಯ್. ಸ್ವಲ್ಪ ದಿನದ ನಂತರ ಆ ಇನ್ನೊಬ್ಬರಿಗೂ ಕಾಯಿಲೆ ಇರುವ ಸಂಗತಿ ಪರೀಕ್ಷೆಯ ನಂತರ ತಿಳಿಯಿತು. ಜಾಯ್ ಳ ವಾಸನಾ ಸಾಮರ್ಥ್ಯ ವೈದ್ಯಕೀಯ ಪರೀಕ್ಷೆ ಗುರುತಿಸಿವುದಕ್ಕಿಂತ ಮುಂಚೆಯೇ ಆ ಸಮಸ್ಯೆಯನ್ನು ಗುರುತಿಸಿತ್ತು. ನಂತರದ ಸಂಶೋಧನೆಗಳು ಸಾಬೀತು ಪಡಿಸಿದ್ದು, ಪಾರ್ಕಿನ್ಸನ್ ಕಾಯಿಲೆ ಚರ್ಮದ ಗ್ರಂಥಿಗಳಲ್ಲಿ ಒಂದು ವಿಶಿಷ್ಟ ದ್ರವವನ್ನು ಹೊರಸೂಸಿ ಒಂದು ತರಹದ ವಾಸನೆ ಹೊರಡಿಸುತ್ತದೆ. ಎಲ್ಲರಿಗೂ ಆ ವಾಸನೆಯನ್ನು ಗುರುತಿಸಲು ಆಗದಿದ್ದರು ಜಾಯ್ ತರಹದ ಕೆಲವರಿಗೆ ಸಾಧ್ಯವಾಗುತ್ತದೆ ಎನ್ನುವ ವಿಷಯ. 

ಜಾಯ್ ತನ್ನ ಪತಿಯನ್ನು ಈ ರೋಗಕ್ಕೆ ಕಳೆದುಕೊಂಡರೂ, ಅವಳ ಗ್ರಹಿಕೆ ಇಂದಿಗೆ ಈ ಕಾಯಿಲೆಯ ರೋಗಲಕ್ಷಣಗಳನ್ನು ಮುಂಚಿತವಾಗಿಯೇ ಗುರುತಿಸಲು ವೈದ್ಯಕೀಯ ಲೋಕಕ್ಕೆ ಸಹಾಯವಾಗುತ್ತಿದೆ.

Link:

https://podcasts.google.com/feed/aHR0cHM6Ly9mZWVkcy5ucHIub3JnLzUxMDMwNy9wb2RjYXN0LnhtbA/episode/NTU1MjY5ZTAtODM3Ni00NzAxLWEwNzYtZGJhNWU1NTg5MDI2?sa=X&ved=0CAUQkfYCahcKEwiQ5cqggL7tAhUAAAAAHQAAAAAQAg&fbclid=IwAR0NpB9eYsDdfonS3-mwbkzvp1KpU8LsvsSsBbDAzPdFMBSVyw7bLhwEGZ0

ಅಜರಾಮರ ಹೈಡ್ರಾ:

ಹೈಡ್ರಾ ಇದು ನೀರಿನಲ್ಲಿ ವಾಸಿಸುವ ಸಣ್ಣ ಪ್ರಾಣಿ. ಕೊಳವೆಯಾಕಾರದ, ಬರಿ ೧೦ ಮೀ.ಮೀ. ಉದ್ದ ಬೆಳೆಯುವ ಈ ಪ್ರಾಣಿ ಬಲು ಸೋಜಿಗವಾದದ್ದು. ಇದರ ದೇಹಕ್ಕೆ ವಯಸ್ಸೇ ಆಗುವುದಿಲ್ಲ. ಅಷ್ಟೇ ಎಲ್ಲ, ಇದರ ಬಾಲವನ್ನು ಕಡಿದು ಹಾಕಿದರೆ ಹೊಸ ಬಾಲ ಬೆಳೆಯುತ್ತದೆ. ತಲೆಯನ್ನು ಕಡಿದರೆ, ಹೊಸ ತಲೆ ಬೆಳೆಯುತ್ತದೆ. ತಲೆ, ಬಾಲ ಎರಡನ್ನು ತುಂಡು ಮಾಡಿದರೆ, ನಡುವಿನ ಭಾಗ ತಲೆ ಮತ್ತು ಬಾಲ ಎರಡನ್ನೂ ಬೆಳೆಸಿಕೊಳ್ಳುತ್ತದೆ. ಹೀಗೆ ಇದರ ದೇಹ ಸಂಪೂರ್ಣ ನವೀಕರಣಗೊಳ್ಳುತ್ತ ಸಾಗುವುದರಿಂದ, ಇದಕ್ಕೆ ವಯಸ್ಸಿನ ಸಮಸ್ಯೆ ಕಾಡದೆ, ಅದನ್ನು ಯಾವುದೇ ಮೀನು ಸಂಪೂರ್ಣ ನುಂಗಿ ಜೀರ್ಣಗೊಳಿಸಿ ಕೊಂಡರೆ ಮಾತ್ರ ಅದರ ಜೀವನ ಮುಗಿಯುತ್ತದೆ ಇಲ್ಲದಿದ್ದರೆ ಅಜರಾಮರ ಎನ್ನುವಂತೆ ಜೀವಿಸುತ್ತದೆ. 

ಅದು ಹೇಗೆ ಸಾಧ್ಯ ಎನ್ನುವ ನಿಟ್ಟಿನಲ್ಲಿ ಸಂಶೋಧನೆಗಳು ನಡೆಯುತ್ತಿವೆ. ಅವರು ಇದುವರೆಗೂ ಕಂಡುಕೊಂಡಿದ್ದು, ಹೈಡ್ರಾ ನಲ್ಲಿ ಇದು ಸಾಧ್ಯವಾಗುವಂತೆ ಮಾಡುವುದು ಅವುಗಳ 'stem cells ಜೀವಕೋಶಗಳು. ಇವು ಮನುಷ್ಯನಲ್ಲಿ ಭ್ರೂಣಾವಸ್ಥೆಯಲ್ಲಿ ಅಂಗಾಂಗಗಳು ರೂಪುಗೊಳ್ಳುವಲ್ಲಿ ಮಹತ್ತರ ಪಾತ್ರ ವಹಿಸಿ ನಂತರ ಆಯಾ ಅಂಗಾಂಗಗಳ ಜೀವಕೋಶಗಳಾಗಿ ಬದಲಾಗುತ್ತವೆ. ಆದರೆ ಹೈಡ್ರಾ ನಲ್ಲಿ  stem cells  ಹಾಗೆಯೇ ಉಳಿದುಕೊಂಡು ಅವಶ್ಯಕತೆಗೆ ತಕ್ಕಂತೆ ಹೊಸ ಅಂಗಾಂಗಗಳನ್ನು ಬೆಳೆಸುತ್ತವೆ. ಹಾಗೆಯೇ ಇಡೀ ದೇಹವನ್ನು ನವೀಕರಿಸುತ್ತವೆ. ಅಲ್ಲದೆ ಇಡೀ ಜೀವಕ್ಕೆ ಬೇಕಾದ ಮಾಹಿತಿಯೆಲ್ಲವೂ ಜೀನ್ ಗಳ ಮುಖಾಂತರ ಪ್ರತಿಯೊಂದು ಜೀವಕೋಶದಲ್ಲಿ ಉಳಿದುಕೊಂಡು, ಯಾವುದೇ ಭಾಗ ಹಾನಿಗೊಂಡರೆ ಅದನ್ನು ಮತ್ತೆ ಬೆಳೆಸುವ ಕಾರ್ಯ ಸಾಧ್ಯವಾಗುತ್ತದೆ. ಇದರ ಮೇಲಿನ ಸಂಶೋಧನೆಗಳು, ಇದನ್ನು ಮನುಷ್ಯ ಕುಲದ ಒಳಿತಿಗೆ ಉಪಯೋಗಿಸಬಹುದೇ ಎನ್ನುವ ಕಡೆಗೆ ಸಾಗಿವೆ.

ಮನುಷ್ಯನ ಅಜರಾಮರ ಬಯಕೆ ಒಳ್ಳೆಯದೋ, ಅಲ್ಲವೋ ಹೇಗೆ ಹೇಳುತ್ತೀರಿ? ಆದರೆ ದೇಹದ ಭಾಗ ಹಾನಿಗೊಳಗಾದರೆ, ಅದನ್ನು ಹೈಡ್ರಾದ ಹಾಗೆ ಮತ್ತೆ ಬೆಳೆಸಿಕೊಳ್ಳುವುದು ಸಾಧ್ಯ ಆದರೆ ಎಷ್ಟು ಚೆನ್ನ ಅಲ್ಲವೇ?

Link:

https://podcasts.google.com/feed/aHR0cHM6Ly9mZWVkcy5ucHIub3JnLzUxMDMwNy9wb2RjYXN0LnhtbA/episode/YzliM2ViZDQtN2NiNC00MjFmLThmMTYtZTk5NDI4NGMyMGNl?sa=X&ved=0CAUQkfYCahcKEwiYvrfhmb7tAhUAAAAAHQAAAAAQHQ

ಮಧ್ಯ ವಯಸ್ಸಿನ ಬಿಕ್ಕಟ್ಟು ತರುವ ಹೊಸತನ

ಮಕ್ಕಳಿಗೆ ಎಲ್ಲರೂ ಹೇಳುವುದು "ನೀನು ಬೆಳೆದು ದೊಡ್ಡವನಾಗಿ ಏನು ಬೇಕಾದರೂ ಆಗಬಹುದು". ಅದು ಬರಿ 'ಡಾಕ್ಟರ್', 'ಇಂಜಿನಿಯರ್' ಅಲ್ಲವಲ್ಲ. ಏನು ಬೇಕಾದರೂ ಅಂದ್ರೆ, ಏನು ಬೇಕಾದರು ಆಗಬಹುದು. ಕುಸ್ತಿ ಪಟು, ಪೊಲೀಸ್, ಸೈನ್ಯ ಸೇರುವುದು, ಚಿತ್ರ ನಟ ಅಥವಾ ನಟಿ, ಅಂಬಾನಿಗಳಷ್ಟಲ್ಲದಿದ್ದರೂ ತಕ್ಕ ಮಟ್ಟಿಗೆ ಶ್ರೀಮಂತ, ಉದ್ದಿಮೆಗಳ ಒಡೆಯ, ಸಚಿನ್ ತರಹ ಕ್ರಿಕೆಟ್ ಆಟಗಾರ, ಮೋದಿ ತರಹ ಪ್ರಧಾನ ಮಂತ್ರಿ, ಇಲ್ಲವೇ ಜಯಲಲಿತಾ ತರಹ ಮುಖ್ಯ ಮಂತ್ರಿ ಹೀಗೆ ನೂರಾರು ಆಯ್ಕೆಗಳು ಚಿಕ್ಕ ಮಕ್ಕಳಿಗೆ. ಅವರು ಹಾಗಾಗುವ ಸಾಧ್ಯತೆಗಳನ್ನು ತಳ್ಳಿ ಹಾಕುವ ಹಾಗೆಯೆ ಇಲ್ಲ. ಚಿಕ್ಕ ವಯಸ್ಸಿನಲ್ಲಿ ದೊಡ್ಡ ಗುರಿ ಇರುವುದು ಒಳ್ಳೆಯದೇ. ಅದು ಅವರ ಜಗತ್ತಿನ ಪರಿಧಿಯನ್ನು ದೊಡ್ಡದು ಮಾಡುತ್ತದೆ.

ಚಿಕ್ಕ ವಯಸ್ಸಿನಿಂದ ೨೦ ರ ವಯಸ್ಸಿನವರೆಗೆ ಆಶಾವಾದಿಯಾಗಿ ಬೆಳೆದರೆ ತಪ್ಪೇನಿಲ್ಲ. ಆಮೇಲೆ ನಾವು  ಅಂದುಕೊಂಡಿದ್ದು ಆಗದಿದ್ದರೂ, ನಮಗೆ ಸ್ವಲ್ಪ ನಿರಾಸೆ ಆದರೂ, ಸಣ್ಣ ಪಟ್ಟಿಗೆ ಜಗ್ಗುವವರಲ್ಲ ನಾವು. ನಮಗೂ ಒಂದಲ್ಲ ದಿನ ಅವಕಾಶ ಸಿಕ್ಕೇ ಸಿಗುತ್ತದೆ, ನಮ್ಮ ಅದೃಷ್ಟ ಬದಲಾಗುತ್ತದೆ ಮತ್ತು ನಾವು ಅಂದುಕೊಂಡಿದ್ದೆಲ್ಲಾ ಸಾಧ್ಯವಾಗುತ್ತದೆ ಎನ್ನುವ ಮನದ ಮರೆಯ ಆಸೆಗಳಲ್ಲಿ ಇನ್ನೂ ಇಪ್ಪತ್ತು ವರುಷಗಳನ್ನು ಕಳೆದು ಬಿಡುತ್ತೀವಿ.

 

ಆದರೆ ಸಮಸ್ಯೆ ಶುರುವಾಗುವುದು ನಾವು ೪೦ ರ ವಯಸ್ಸಿನ ಆಸು ಪಾಸಿಗೆ ಬಂದಾಗ. ಈಗ ನಮಗೆ ನಾವು  ಏನೆಂದು ಗೊತ್ತಾಗಿದೆ. ನಮ್ಮ ವ್ಯಕ್ತಿತ್ವದ ಶಕ್ತಿ ಹಾಗು ದೌರ್ಬಲ್ಯಗಳು, ಇವೆರಡರ ಸಂಪೂರ್ಣ ಪರಿಚಯ ಈಗ ನಮಗಿದೆ. ಚಿಕ್ಕಂದಿನಲ್ಲಿ ನಮ್ಮದೇ ಬಿಸಿನೆಸ್ ಇರಬೇಕು ಅಂದುಕೊಂಡ ನಮಗೆ ವ್ಯಾಪಾರ ತರುವ  ಅಪಾಯಗಳನ್ನು ಎದುರಿಸುವ ಮನಸ್ಸಿಲ್ಲ ಹಾಗಾಗಿಯೇ ಅದು ಕನಸಾಗಿಯೇ ಉಳಿಯಿತು ಎನ್ನುವ ಸತ್ಯ ಗೊತ್ತಾಗಿದೆ. ಯಾವುದೊ ದೊಡ್ಡ ಕಂಪನಿಯಲ್ಲಿ ಒಂದು ದೊಡ್ಡ ಹುದ್ದೆ ವಹಿಸಿಕೊಳ್ಳುವ ಕನಸಿಗೆ, ನಮ್ಮ ಶಿಕ್ಷಣದ ಕೊರತೆ ಅಥವಾ ಅದಕ್ಕೆ ಬೇಕಿರುವ ಚಾತುರ್ಯಗಳು ನಮ್ಮ ವ್ಯಕ್ತಿತ್ವಕ್ಕೆ ಹೊಂದುವುದಿಲ್ಲ ಎನ್ನುವ ಕಾರಣಗಳು ಅದನ್ನು ನನಸಾಗಲು ಬಿಡುವುದಿಲ್ಲ ಎನ್ನುವುದು ಮನವರಿಕೆಯಾಗಿದೆ. ಚಲನ ಚಿತ್ರದಲ್ಲಿ ನಾಯಕ, ನಾಯಕಿಯಾಗಲು ನಮಗೆ ರೂಪ-ಲಾವಣ್ಯಗಳ ಕೊರತೆ, ನಮ್ಮ ಮೂಗನ್ನು ಯಾರು ತಿದ್ದಿ ತೀಡಲಿಲ್ಲವಲ್ಲ ಎನ್ನುವುದು ಬೇಸರದ ಸಂಗತಿ. ದೊಡ್ಡ ಉದ್ದಿಮೆಗಾರರಾಗಲು ನಮಗೆ ಸಂಪನ್ಮೂಲಗಳಿಲ್ಲ, ಆದ್ದರಿಂದ ಅದರ ಯೋಚನೆ ನಾವು ಮರೆತು ಹೋದರೂ, ಕೊರಗು ಮಾತ್ರ ಮನಸ್ಸಿನ ಮೂಲೆಯಿಂದ ಹೋಗಲೊಲ್ಲದು.

ಮಧ್ಯ ವಯಸ್ಸು ತಂದು ಒಡ್ಡುವ ಬಿಕ್ಕಟ್ಟು ಎಲ್ಲರನ್ನು ಶಕ್ತಿ ಪರೀಕ್ಷೆಗೆ ಒಳ ಪಡಿಸುತ್ತದೆ. ನಮ್ಮ ಮಕ್ಕಳಿಗೆ 'ಏನು ಬೇಕಾದರೂ ಆಗಬಹುದು' ಎಂದು ಹೇಳಿಕೊಡುವ ನಾವು ಮಾತ್ರ ಅಂದುಕೊಂಡ  ಹಾಗೆ ಆಗುವಲ್ಲಿ ಸೋತಿರುತ್ತೀವಿ. ವಾಸ್ತವದ ಮುಂದೆ ದುಃಖ, ಅವಮಾನ ಹೇಳಿಕೊಂಡು ಪ್ರಯೋಜನವೇನು ಎಂದುಕೊಂಡು ಸುಮ್ಮನಾಗುತ್ತೀವಿ.

ಆದರೆ ಇದೇ ಸಮಸ್ಯೆಯನ್ನು ಬೇರೆ ರೀತಿಯಲ್ಲಿ ನೋಡಿದರೆ, ಅದರ ಪರಿಣಾಮವೇ ಬೇರೆ. 

ಅಂದೊಕೊಂಡ ಹಾಗೆ ಆಗದಿದ್ದರೆ ಏನಂತೆ? ನಾವು ಒಳ್ಳೆಯ ಮಗನಾಗಿ ಅಥವಾ ಮಗಳಾಗಿ, ಸಹೋದರ, ಸಹೋದರಿಯಾಗಿ, ಕುಟುಂಬದಲ್ಲಿ, ಆಫೀಸ್ ನಲ್ಲಿ, ನಮ್ಮ ಜವಾಬ್ದಾರಿಗಳನ್ನು ನಿಭಾಯಿಸುತ್ತಾ ಬಂದಿದ್ದು ಕಡಿಮೆ ಸಾಧನೆಯೇ? ನಾವು ಕಾಳಿದಾಸನ ಹಾಗೆ ಕಾವ್ಯ ಬರೆಯದಿದ್ದರೆ ಏನಂತೆ? ಸ್ನಾನ ಮಾಡುವಾಗ ನಮಗೆ ಎಂದು ಗುನುಗಿಕೊಳ್ಳುವ ಹಾಡುಗಳು ನಮ್ಮಲ್ಲಿ ತುಂಬುವ ಉಲ್ಲಾಸ ಕಡಿಮೆಯೇ? ನಾವು ಆನಂದಿಸುವ ಹವ್ಯಾಸಗಳನ್ನು ನೆನಪಿಸಿಕೊಳ್ಳಿ. ಟ್ರೆಕಿಂಗ್ ಹೋದಾಗ, ನಾವು ಪಟ್ಟ ಖುಷಿ ನಮ್ಮ ಜೊತೆ ಬಂದಿದ್ದ ನಮ್ಮ ಮೇಲಿನ ಅಧಿಕಾರಿಗಿಂತ ಕಡಿಮೆ ಅನ್ನುವಂತಿರಲಿಲ್ಲ, ಅಲ್ಲವೇ? ನಾವು ಮಧ್ಯಮ ವರ್ಗದವರೇ ಇರಬಹುದು. ಆದರೆ ನಮ್ಮ ಮನೆಗೆ ಯಾರೋ ಪರಿಚಯವಿಲ್ಲದ ಒಬ್ಬ ಶ್ರೀಮಂತ ಬಂದರೆ, ನಮ್ಮ ಮನೆಯ ನಾಯಿ ಅವನಿಗೆ ಕೊಡುವ ಮರ್ಯಾದೆ ಎಷ್ಟಿರುತ್ತದೆ? 

ಬದುಕು ಪ್ರತಿಷ್ಠೆಯ ವಿಷಯದಲ್ಲಿ ಸಾಕಷ್ಟು ಅಸಮಾನತೆಗಳನ್ನು ಸೃಷ್ಟಿಸಿದರೂ, ಜೀವನ ಕೊಡುವ ಆನಂದಗಳಲ್ಲಿ ಎಲ್ಲರಿಗೂ ಸಮಾನ ಅವಕಾಶ ಉಂಟು. ನಿಮ್ಮ ನೆರೆಯ ಕ್ರಿಕೆಟ್ ಟೀಮ್ ನ್ನು ನಿಮ್ಮ ಬ್ಯಾಟಿಂಗ್ ನಿಂದ ಗೆಲ್ಲುವಂತೆ ಮಾಡಿ ನೋಡಿ, ಆಗ ನೀವು ಪಡುವ ಸಂತೋಷ ವಿರಾಟ್ ಕೊಹ್ಲಿಗೆ ಕಡಿಮೆ ಏನು ಅಲ್ಲ. ನಿಮಗೆ ಒಂದು ಶಾಲೆ ಕಟ್ಟುವ ಕನಸು ಸಾಕಾರ ಆಗದಿದ್ದರೆ ಏನಂತೆ? ಒಬ್ಬ ಬಡ ಹುಡುಗನಿಗೆ ಟ್ಯೂಷನ್ ಹೇಳಿ ಕೊಟ್ಟು ಅವನಿಗೆ ಪರೀಕ್ಷೆ ಪಾಸಾಗುವ ವಿಶ್ವಾಸ ತುಂಬಿ ನೋಡಿ, ಕಳೆದುಕೊಂಡ ಸಂತೋಷ ಸ್ವಲ್ಪ ಮಟ್ಟಿಗಾದರೂ ಮತ್ತೆ ನಿಮ್ಮದಾಗುತ್ತದೆ.

ಚಿಕ್ಕಂದಿನಲ್ಲಿ ನಾವು ಆಸೆ ಪಟ್ಟಿದ್ದು ದುಡ್ಡು, ಅಧಿಕಾರ, ಪ್ರತಿಷ್ಠೆಗಲ್ಲ. ಆದರೆ ಅವು ತಂದು ಕೊಡುವ ಸಂತೋಷಕ್ಕಾಗಿ. ಸಮಾಜದ ಪ್ರತಿಷ್ಠೆಗೆ ಬೆಂಕಿ ಇಟ್ಟು, ತೆರೆದ ಮನಸ್ಸಿನಿಂದ ವಿಚಾರ ಮಾಡಿ ನೋಡಿ. ನಾವು ಚಿಕ್ಕಂದಿನಲ್ಲಿ ಅಂದುಕೊಂಡ ಹಾಗೆ ಅಲ್ಲದಿದ್ದರೂ, ಸ್ವಲ್ಪ ಬದಲು ಮಾಡಿಕೊಂಡಾದರೂ ಬದುಕಲು ಸಾಧ್ಯ. ನಾನು ಮಧ್ಯ ವಯಸ್ಸು ತಂದು ಒಡ್ಡುವ ಬಿಕ್ಕಟ್ಟನ್ನು ಜೀವನಕ್ಕೆ ಹೊಸತನ ತಂದು ಕೊಡುವ ವಿಷಯವನ್ನಾಗಿ ಬದಲಾಯಿಸಿಯಾಗಿದೆ. 'ಕೈಗಟುಕದ ದ್ರಾಕ್ಷಿ ಹುಳಿ' ಎಂದು ಜನ ನೋಡಿ ನಕ್ಕರೂ ಪರವಾಗಿಲ್ಲ. ಸಕ್ಕರೆ ಕೊಂಡು ಕೊಳ್ಳಲು ಆಗದಿದ್ದರೆ, ಬೆಲ್ಲದ ಚಹಾ ಕುಡಿದು ಸಂತೋಷ ಪಡುವ ಮನಸ್ಥಿತಿ ಇಂದು ನನ್ನದಾಗಿದೆ.

ಶಿಕ್ಷಣಕ್ಕಿಂತ ವಿವೇಕ ದೊಡ್ಡದು. ಬುದ್ಧ ಬುದ್ಧಿಯಿಂದ ಆದವನಲ್ಲವೇ? ನೀವು ನನಗಿಂತ ಜಾಣರು. ನನಸಾಗದ ಕನಸುಗಳಿಗೆ ಕೊರಗದೆ, ನಿಮ್ಮದೇ ವಿಶಿಷ್ಟ ರೀತಿಯ ಜೀವನ ರೂಪಿಸಿಕೊಂಡಿರುತ್ತೀರಿ ಎನ್ನುವ ವಿಶ್ವಾಸ ನನ್ನದು.

ಕೈಯಲ್ಲಿನ ಫೋನ್ ಬದಲಿಸಿದ ನಮ್ಮ ಜೀವನ ಶೈಲಿಗಳು

"ಊರಿಗೆ ಹೋದ ಮೇಲೆ ಪತ್ರ ಬರಿ". ಸುಮಾರು ಇಪ್ಪತ್ತು ವರ್ಷಗಳ ಹಿಂದೆ ಬಸ್ ಸ್ಟಾಂಡ್ ನಲ್ಲಿ ಬಸ್ ಹತ್ತಿಸಲು ಬಂದವರು ಹೇಳುತ್ತಿದ್ದ ಸಾಮಾನ್ಯ ಮಾತು. ಇಂದಿಗೆ ಬಸ್ ಹತ್ತಿಸಲು ಬರುವವರ ಸಂಖ್ಯೆಯೂ ಕಡಿಮೆ. ಬರುವ ಒಬ್ಬಿಬ್ಬರು 'ಆಮೇಲೆ ಫೋನ್ ಮಾಡು' ಎಂದು ಹೇಳಿ ಹೊರಡುತ್ತಾರೆ. ಹೋಗುತ್ತಿರುವುದು ಖಾಸಗಿ ಬಸ್ ನಲ್ಲಾದರೆ ಸೀಟು ಹಿಡಿಯುವ ತಾಪತ್ರಯವು ಇಲ್ಲ ಮತ್ತು ಬ್ಯಾಗ್ ಎತ್ತಿಡಲು ಸಹಾಯವೂ ದೊರೆಯುತ್ತದೆ. ಹಾಗಾಗಿ ಊರಿಂದೂರಿಗೆ ಪ್ರಯಾಣ ಇವತ್ತಿಗೆ 'ಚಾ ಕುಡಿದ್ರಾ' ಎಂದು ಕೇಳಿದಷ್ಟೇ ಸುಲಭ. ಹಾಗಾಗಿ ಪ್ರಯಾಣಿಕರ ಮುಖದ ಮೇಲೆ ಯಾವುದೇ ಆತಂಕ ಕಾಣುವುದಿಲ್ಲ. ವಿದೇಶಕ್ಕೆ ಹೋಗುವವರು ಸಹ ಕೈ ಬೀಸಿ ಮುಗುಳ್ನಕ್ಕು ಮತ್ತೆ ಸಿಗುವ ಎನ್ನುವ ಮುಖ ಭಾವ ಹೊತ್ತು ಸಾಗುತ್ತಾರೆ. ಕೈಯಲ್ಲಿನ ಫೋನ್ ಮತ್ತು ನಮ್ಮ ಹೆಬ್ಬೆರಳ ತುದಿಯಲ್ಲಿ ಸಿಗುವ ಸಂಪರ್ಕ ವಿಶಾಲ ಜಗತ್ತನ್ನು ಒಂದು ಚಿಕ್ಕ ಹಳ್ಳಿಯನ್ನಾಗಿ ಮಾರ್ಪಡಿಸಿದೆ.

ಇಂದು ಮಳೆ ಬರಬಹುದೋ ಎಂದು ಆಕಾಶದೆಡೆಗೆ ತಲೆ ಎತ್ತಿ, ಅಂಗೈಯನ್ನು ಹಣೆಯ  ಮೇಲಿಟ್ಟುಕೊಂಡು, ಮೋಡಗಳನ್ನು ದಿಟ್ಟಿಸುವ ಕಾಲವೂ ಮುಗಿದು ಹೋಗಿದೆ. ಸ್ಮಾರ್ಟ್ ಫೋನ್ ನಲ್ಲಿ ಇರುವ ಗೂಗಲ್ ನಲ್ಲಿ ಮಳೆ ಬರುವುದರ ಮುನ್ಸೂಚನೆ ತಾಸು-ತಾಸಿನ ಲೆಕ್ಕದಲ್ಲಿ ಸಿಗುತ್ತದೆ. ಮೊನ್ನೆ ಬೆಂಗಳೂರಿನ ಎಫ್.ಎಂ. ರೇಡಿಯೋ ನಲ್ಲಿ, ಪಿ. ಬಿ. ಶ್ರೀನಿವಾಸ್ ರವರು ಹಾಡಿದ ಹಳೆಯ ಚಲನ ಚಿತ್ರ ಗೀತೆಗಳು  ಪ್ರಸಾರವಾಗುತ್ತಿದ್ದವು. ಅದರಲ್ಲಿ ಒಂದು ಹಾಡು ಹೀಗಿತ್ತು. 

"ಬೀಸೋ ಗಾಳಿಯಲಿ, ಹರಿವ ನೀರ ಅಲೆ

ಹೇಳು ಏನೆಂದಿದೆ ಓ ಗೆಳತಿ?"

ಪ್ರಕೃತಿಯ ಮಧ್ಯೆ ಬದುಕುವವರು ಬೀಸುವ ಗಾಳಿಯ, ಹರಿವ ನೀರಿನ ಸಂದೇಶಗಳನ್ನು ಸ್ವೀಕರಿಸುವುದು ಸಾಧ್ಯವಿತ್ತು, ಕಾಳಿದಾಸ ಮೇಘ ಸಂದೇಶಗಳನ್ನು ಉಪಯೋಗಿಸಿಕೊಂಡ ರೀತಿಯಲ್ಲಿ. ಆದರೆ ಬೆಂಗಳೂರಿನಲ್ಲಿ ಯಾವುದೇ ನದಿಗಳಿಲ್ಲ. ಇಲ್ಲಿ ಮಳೆ ನೀರು ಹರಿಯುವ ಗುಂಡಿಗೆ ಕೊಳಚೆಯೂ ಹರಿಯುತ್ತೆ. (ಅವಕ್ಕೆ ರಾಜ ಕಾಲುವೆ ಎಂದು ಬೇರೆ ಹೆಸರು). ಅವುಗಳ ಮೇಲೆ ಬೀಸುವ ಗಾಳಿ ಹೇಳುವುದು ಮೂಗು ಮುಚ್ಚಿಕೊಳ್ಳಿ ಎಂದು. ಪ್ರಕೃತಿಯನ್ನು ಕೃತಕವಾಗಿಸಿದ ಈ ಊರು ತಂತ್ರಜ್ಞಾನವನ್ನು ಬೆಳೆಸುತ್ತೆ ಆದರೆ ನಿಸರ್ಗವನ್ನು ಕಡೆಗಣಿಸುತ್ತದೆ. ಇಲ್ಲಿ ಎಲ್ಲರಿಗೂ ಪ್ರತಿ ದಿನ ಗೆಲ್ಲುವ ಧಾವಂತ. ಅವರಿಗೆ ಕೈಯಲ್ಲಿನ ಸ್ಮಾರ್ಟ್ ಫೋನ್ ಸಂಗಾತಿ, ಪ್ರಕೃತಿ ಅಲ್ಲವೇ ಅಲ್ಲ.

ನೀವು ಗೊತ್ತಿರದ ಹೊಸ ಜಾಗಗಳಿಗೆ ಹೋಗುತ್ತಿರುವಿರಿ. ಆದರೆ ದಾರಿ ಗೊತ್ತಿಲ್ಲದ ನಿಮಗೆ ಇಂದಿಗೆ ಜಿ.ಪಿ.ಎಸ್ ಇದೆ. ಆದರೆ ಹಿಂದೆ ರಸ್ತೆಯಲ್ಲಿ ಹೋಗುತ್ತಿರುವವರು ಅಥವಾ ಅಕ್ಕ ಪಕ್ಕದ ಅಂಗಡಿಗಳವರು  ನಿಮಗೆ ಮಾರ್ಗದರ್ಶನ ನೀಡುತ್ತಿದ್ದರು. ಸುಮಾರು ಹತ್ತು ವರ್ಷಗಳ ಹಿಂದೆ ಕೆಮ್ಮಣ್ಣುಗುಂಡಿಯ ಹತ್ತಿರ ನಾನು ದಾರಿ ಹೇಗೆ ಎಂದು ಕೇಳಿದ್ದು ರಸ್ತೆಯ ಹತ್ತಿರವೇ ಆಡಿಕೊಂಡಿದ್ದ ಚಿಕ್ಕ ಮಕ್ಕಳ ಗುಂಪನ್ನು. ಅವರು ಸರಿ ದಾರಿ ತೋರಿಸಿಯಾದ ಮೇಲೆ, ನಾನು 'ಥ್ಯಾಂಕ್ಸ್' ಹೇಳಿ ಮುಂದೆ ಬರುವಷ್ಟರಲ್ಲಿ, ಆ ಮಕ್ಕಳು ಜೋರಾಗಿ 'ಇವರು ಬೆಂಗಳೂರಿನವರು ಇರಬೇಕು, ಅದಕ್ಕೆ ಥ್ಯಾಂಕ್ಸ್ ಹೇಳುತ್ತಿದ್ದಾರೆ' ಎಂದು ಮಾತಾಡಿಕೊಳ್ಳುತ್ತಿದ್ದರು. ಈ ಥರದ ಅನುಭವಗಳು ಅಥವಾ ದಾರಿ ತಪ್ಪಿದ ಅನುಭವಗಳಿಗೆ ಇಂದಿಗೆ ಅವಕಾಶವೇ ಇಲ್ಲ. ಜಿ.ಪಿ.ಎಸ್ ಸರಿ ದಾರಿ ತೋರಿಸಿ, ನೀವು ಇಲ್ಲಿಗೆ ಬಂದಾಯಿತು ಎಂದು ಹೇಳಿ ಸುಮ್ಮನಾಗುತ್ತದೆ. ಅದಕ್ಕೆ ಮನುಷ್ಯ ಸಹಜ ಭಾವನೆಗಳು ಬರಲು ಹೇಗೆ ಸಾಧ್ಯ?

ಇಂದಿಗೆ ಫೇಸ್ ಬುಕ್ ನಿಮಗೆ ನೆನಪಿಸುತ್ತಿದೆ ವರ್ಷದ ಹಿಂದೆ ಅಥವಾ ಕೆಲವು ವರ್ಷಗಳ ಹಿಂದೆ ಈ ದಿನ ಏನು ಮಾಡುತ್ತಿದ್ದೀರಿ ಎಂದು. ಅದು ನಮ್ಮನ್ನು ಹಳೆಯ ನೆನಪಿಗಳಿಗೆ ಕರೆದೊಯ್ಯುತ್ತದೆ. ಆದರೆ ಸ್ಮಾರ್ಟ್ ಫೋನ್ ಇಲ್ಲದ ಕಾಲದಲ್ಲಿ ಬೆಳೆದ ನಮಗೆ ಗುಡ್ಡ ಹತ್ತಿದ್ದು, ಹಳ್ಳದಲ್ಲಿ ಆಡಿದ್ದು, ಕಾಲುವೆಯಲ್ಲಿ ಈಜು ಕಲಿತದ್ದು ನೆನಪಿಸಲು ಯಾವುದೇ ಸ್ಮಾರ್ಟ್ ಫೋನ್ ಮತ್ತು ಫೇಸ್ ಬುಕ್ ಸಹಾಯ ಬೇಕಿರಲಿಲ್ಲ ಅಲ್ಲವೇ. ಆದರೂ ಸ್ಮಾರ್ಟ್ ಫೋನ್ ಒಂದು ಹಿತ ನೀಡುವ ಸಂಗಾತಿಯಾಗಿದೆ. ಅದಕ್ಕೆ ಇರುವ ನೆನಪಿನ ಶಕ್ತಿಯ ಅಗಾಧತೆಯ ಮುಂದೆ ನಾವು ಕುಬ್ಜರು. 

ತಂತ್ರಜಾನದ ಬೆಳವಣಿಗೆ ಮತ್ತು ಅದು ಸ್ಮಾರ್ಟ್ ಫೋನ್ ಗಳಲ್ಲಿ ಜೋಡಿಗೊಂಡ ರೀತಿ ಅದ್ಭುತ. ಅದರಿಂದ ಆಗಿರುವ ಅನುಕೂಲಗಳನ್ನು ಅಲ್ಲಗೆಳೆಯಲು ಸಾಧ್ಯವೇ ಇಲ್ಲ. ಆದರೆ ಅದು ನಮ್ಮನ್ನು ಕೆಲವು ಸಲ ಭಾವನಾರಹಿತ ಮನುಜರನ್ನಾಗಿ, ನಮ್ಮ ಜೀವನ ಶೈಲಿ ಬದಲಾಯಿಸಿದರೂ ಅದನ್ನು ಸಹಿಸಿಕೊಳ್ಳಲೇ ಬೇಕು. ಇಂದಿಗೆ ನಾನು ನಿಮ್ಮನ್ನು ತಲುಪುತ್ತಿರುವುದು ಅದೇ ತಂತ್ರಜ್ಞಾನದ ಮೂಲಕ ಅಲ್ಲವೇ? ಎಲ್ಲ ಸ್ನೇಹಿತರ ಆಗು-ಹೋಗುಗಳನ್ನು ತಿಳಿದುಕೊಳ್ಳುವ ಸೌಲಭ್ಯ ಕಲ್ಪಿಸಿದ ಈ ತಂತ್ರಜಾನಕ್ಕೆ ಶರಣು. ಪೋಸ್ಟ್ ಆಫೀಸ್ ಮುಂದೊಂದು ದಿನ ಮುಚ್ಚಿ ಹೋದರೆ ಅಥವಾ ಬೇರೆ ಕಾರ್ಯಗಳಿಗೆ ಬದಲಾದರೆ ಏನಂತೆ? ನಾವೀಗಾಗಲೇ ವಾಟ್ಸ್ ಆಪ್ ಸೇರಿ ಆಗಿದೆಯಲ್ಲ. ಗೊತ್ತಿಲ್ಲದ ಊರೋ, ದಾರಿಯಲ್ಲಿ ಮಳೆ-ಚಳಿ ಎಲ್ಲದಕ್ಕೂ ನಮಗೆ ಮುನ್ಸೂಚನೆಗಾಗಿ, ದಾರಿ ದೀಪದಂತೆ ಕೈಯಲ್ಲಿ ಇದೆಯಲ್ಲ ನಮ್ಮ ಆಪ್ತ ಮಿತ್ರ, ನಮ್ಮ ಸ್ಮಾರ್ಟ್-ಫೋನ್. 

Esteem Needs: Becoming Rich, Famous and Powerful

Take a look at Maslow’s hierarchy of needs. The one step before you reach self-actualization is the Esteem needs. I would like to focus on it in this blog post. Three desires or needs to become Rich (financial strength, freedom), Famous (recognition) and Powerful (respect, status) shape your self-esteem.

 

Maslow's Hierarchy of Needs

It does not matter which part of the world you belong to or what your religion is or whether you are young or old, if you are a human being, you are driven by the desire of becoming “rich, famous and powerful”. Definition of becoming rich is gathering more wealth than you currently possess (and not to become wealthiest person of the world). Similarly, becoming famous can be known well in your own circles. Becoming powerful would mean expanding your control and influence beyond your own family and community to bigger span of things.

There are few who work on all three desires simultaneously. But there are many who would prioritize one among these three and you can easily spot them by the professions they choose. Those who chose to be wealthy (over fame and power) are likely to be found in business or trade. Those who want to be famous first are attracted to movie industry or sports. Those who prefer power, you will see them in key Govt jobs, politics or in the dreaded underworld.

You can say this theory is rubbish. But read little further before you conclude. Hippies who wander throughout the world do not want to conform to anything. They don’t want to become someone or something. When people started asking the reasons for this behavior, one hippie gave such a pleasing response, people started listening to him and he was sought after. He started becoming rich, famous and influential. See, that is what he wanted to avoid in the first place. Though he appeared rebel in the beginning, becoming rich or famous was driving him unconsciously. Better acknowledge these desires before they express themselves.

No matter where you start, your inclination towards these desires lets you pick relevant skills on the go. Manipulating people or situations becomes your natural part if you are power hungry and similarly you would know how to impress people if you wanted to become famous. And you would not leave money on the table and make best use of opportunities if you wanted to become wealthy. These characters will become part of your personality. You can see the same things from opposite angle too. If you had to lose money you would be a lot stressed if your root desire is to become wealthy. Losing your reputation would give you sleepless nights if you wanted to be famous and losing the position would drive you nuts if you are power oriented. These root desires will give you immense satisfaction when you achieve them and can cause great stress when challenged. 

These desires impact everyone. They let scientists make better inventions, sportsmen break older records, politicians solve societal issues. Scratch the surface of any person, you are sure to see them. With efforts, you will clearly identify the motivating factors of everyone around you (including yourself). They need to be transcended before you reach the final stage of self-actualization as defined by Maslow. This would roughly translate into becoming a spiritual being in another parlance.